প্ৰথম দেখাৰ পৰা কালিলৈকে
ইটো সিটোৰ পৰিপূৰক আছিলো
ভবা নাছিলো এদিন বিপৰীত হ'ব
তোমাৰ মোৰ মতবোৰ।
হঠাৎ আজি তোমাৰ ব্যতিক্ৰমী আয়োজন
মোৰ ভুলৰ এশ এবুৰি উজৰ উজাৰি
আগ পিছ নুগুনি উফাল মাৰি
তুমি পালাগৈ শেষ সিদ্ধান্তৰ।
এবাৰো নাভাবিলা তুমি
ভালপোৱা অৰণ্যৰ গভীৰতা কিমান বেছি
এবাৰ যি সোমাব পাৰি
পাছত উলাওঁ বুলিলেই যাব নোৱাৰি
কাৰণটো জানাই তুমি
সেয়াইটো প্ৰেমৰ নিচা লগা ৰাগী।
No comments:
Post a Comment